ЕК издвои дополнителни хуманитарни средства за борбата против коронавирусот
Европската Комисија издвои уште 50 милиони евра за хуманитарна помош во борбата против пандемијата на коронавирусот.
Овие средства ќе одат приоритетно за Централноафриканската република, Сахел, источна Африка, Сирија, Јемен, палестинските власти, Венецуела како и заедницата на Рохинџите, односно за најранливите лица во овие делови од светот, кои се и најпогодени од кризата.
Дополнителните средства доаѓаат откако повеќе хуманитарни организации и Обединетите Нации повикаа за повеќе солидарност со најсиромашните региони и земји.
-Пандемијата на коронавирусот предизвикува хуманитарна криза од огромни размери во најкревките земји во светот. Таа ја загрозува прехранбената безбедност во земји кои имаа слаби здравствени системи и пред почетокот на оваа нова криза. Мораме од сега да преземеме мерки за да не оставиме ниту еден дел од светот без заштита, ова е наш заеднички интерес, изјави Јанес Ленарчич, еврокомесарот за хуманитарна помош.
Средствата се наменети, меѓу другото, за здравствените работници и набавување заштитни опреми, а ќе бидат распределени преку агенции на Обединетите Нации и Црвениот Крст.
Европската Унија до сега има издвоено околу дваесет милијарди евра за помош на трети земји во справувањето со санитарната криза.
Ново на Сител
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари