ЕК не го стави коронавирусот на листата на крајно опасни за работниците, синдикатите реагираат
Европската комисија соопшти дека донесе одлука да не го класифицира новиот коронавирус на максималното ниво на опасност предвидено со законот за заштита на работниците, на големо незадоволство на сидникатите, јави дописникот на МИА.
Европска директива од 2000 година за заштита на работниците од ризици поврзани со изложеност на биолошки агенси при работа, воспоставува скала на сериозност/опасност на бактериите и вирусите на четири нивоа.
Групата Еден е најмалку опасна, односно „веројатноста да предизвикаат болести кај луѓето е мала“. Групата Четири е најопасна, покрај тоа што предизвикува сериозни заболувања, „претставува сериозна опасност за работниците“ и претставува „висок ризик од ширење во заедницата“.
Комитетот за технички напредок (составен од Комисијата и експерти од земјите членки) „даде позитивно мислење да го вклучи Ковид-19 во списокот (…) како ризик од групата Три“.
Одлуката се очекува да стапи на сила некаде во јуни, откако Европскиот парламент и Советот (кој ги претставува сите земји-членки) имаат еден месец да се спротивстават на одлуката. Оваа одлука предизвика незадоволство кај синдикатите кои во претходните денови ја повикаа Комисијата да го стави коронавирусот во најризична група.
За европските синдикати, би било совршено соодветно да се класифицира коронавирусот во највисоката категорија „не само заради отсуство на ефикасен третман или вакцина, туку и затоа што постои висок ризик од пренесување вирус од страна на работниците во контакт со јавноста “.
Сепак, изборот на европските власти не ги спречува земјите-членки да им дадат на вработените поголема заштита отколку за заштита на ниво Три, се додава од синдикатите.
Ново на Сител
-
Бербок: Берлин е за укинување на едногласноста во ЕУ, но додека тоа не се случи, Скопје мора да ги почитува компромисите
-
Финансиската полиција со кривична пријава против едно лице до ОЈО Радовиш за несовесно работење во службата
-
Полицијата го расчисти случајот со пукањето во Чаир, приведени четири лица
-
Defender на џез авантура – Ексклузивен спонзор на Скопски џез фестивал
-
Лекарската комора ќе го разгледува извештајот за починатото бебе во Скопје
-
За една недела пет нови случаи на пертусис на ниво на Центар за јавно здравје Куманово
-
Во петок и сабота повремени локални врнежи и пониски температури
-
Судир на мопед и електричен тротинет, едно лице повредено