ЕК одлага враќање визи за граѓани на САД

Ако Европската комисија одлучи да бидат вратени визите за граѓани на САД за една година, тоа би предизвикало загуби од 6,8 милијарди евра за европската економија. Тоа синоќа го изјави еврокомесарот за внатрешни работи Димитрис Аврамопулос пред Европскиот парламент.

Според него, враќањето на визите ќе предизвика загуби на 140 илјади места во европската туристичка индустрија. Ако бидат вратени визите, бројот на посетители од САД во Европа ќе се намали за 22 отсто, јави БТА.

Прашањето беше поднесено од комисија на ЕП за граѓански слободи, правда и внатрешни работи. Претставникот на парламентарната комисија Клод Мораес нагласи дека прашањето со визите е принципиелно за односите на ЕУ со САД. Меѓу најпогодените од таквата одлука би биле Италија, Шпанија, Франција и Холандија.