ЕК: Пазарниот инспекторат работи со недоволен број лиценцирани инспектори и застарена опрема
Европската комисија во најновиот извештај за напредокот на Северна Македонија нотира дека земјата е делумно подготвена во делот на слободното движење на стоките. Националното законодавство, како што се наведува, во голема мера е усогласено со правото на Европската Унија и овозможува слободна трговија на производи, но во однос на минатогодишните препораки постигнат е ограничен напредок во имплементацијата.
Новиот закон за општа безбедност на продуктите, кој е донесен во декември 2020 година, се уште не е целосно усогласен со европското законодавство бидејќи не се усвоени подзаконските акти.
Една од забелешките на Европската комисија е недоволниот капацитет на надлежните инспекторати поради што се препорачува зајакнување на административниот капацитет за спроведување на правната рамка. Државниот пазарен инспекторат, како институција одговорна за надзор на пазарот, работи со недоволен број лиценцирани инспектори и со застарена опрема.
– И покрај новите вработувања во првата половина на 2021 година, Инспекторатот нема капацитет за извршување на задачите и работи со недоволен број лиценцирани инспектори, застарена опрема и недоволно средства за спроведување на тестови на примероци од производи, се наведува во извештајот.
Во текот на 2020 година поради пандемијата пазарните инспектори спровеле контроли за тоа колку се почитуваат здравствено-заштитните мерки, но како резултат на тоа се намалил бројот на редовните инспекции.
Во 2020 година, според ЕК, Инспекторатот извршил 428 инспекции, согласно општиот Закон за безбедност на производи, во споредба со 2019 година кога се извршени 359 инспекции. Извршени се и 20 инспекции според Законот за градежни производи, во споредба со 573 инспекции во 2019 година. Од пазарот повлечени се 34 штетни производи, главно играчки и детска облека.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО