-->
-->
ЕКК: Алкалоид европски шампион
-->
Шаховскиот клуб Алкалоид од Скопје со пет победи и два нерешени резултата во седумте рунди го освои Европскиот клупски куп што изминатите седум дена се одржуваше во Нови Сад, Србија.
„Фармацевтите“ кои настапија во состав Динг Лирен, Павел Елјанов, Дмитри Андрејкин, Јангуи Ју, Дмитри Јаковенко, Јуриј Криворучко, Трајко Недев и Филип Панчевски, го освоија трофејот со вкупно 12 бода од можни 14, пред рускиот тим Сибир кој освои 11, исто колку и трето пласираниот Медни Всадник.
Во последното коло Алкалоид ремизира со руската екипа Легаси Сквер Москва (3:3), а со ист резултат заврши и дуелот на Медни Всадник и Сибир, директни ривали за тронот, додека последната закана од српскиот тим Свети Николај беше неутрализирана со ремито со азербејџанскиот тим Одлар Јурду.
Со освојувањето на златниот медал во исклучително силната конкуренција на европската и светска шаховска елита, најуспешниот македонски шаховски клуб достојно ја одбележа 40-годишнината од своето постоење.
-Имавме многу тежок меч кој буквално значеше сé или ништо за крајниот резултат на овој елитен шаховски собир. Со максимална посветеност, висока концентрација и непоколеблива борбеност успеавме да ремизираме на сите шест табли, со што за прв пат се закитивме со злато, кое ќе остави длабока трага во историјата на македонскиот шах, истакна ВМ Драгољуб Јакимовиќ, капитен на ШК „Алкалоид“.
Европскиот клупски куп (ECC, European Club Cup), познат уште и како Куп на шампиони во шах, е најсилното клупско шаховско натпреварување. Сите европски држави се застапени со своите најсилни екипи, засилени со шахисти од целиот свет.
Вториот македонски претставник на ова натпреварување, тимот на Гамбит Асеко заврши на 28.место, една позиција повисоко од рејтингот што го имаше пред почетокот на купот.
-->
-->
-->
Ново на Сител
-
Директорка на државен ученички дом во Битола проневерила 202.500 денари
-
Починат работник донесен во Ургентниот центар во тетовската болница
-
Средба на министерот Муцунски со амбасадорот на Обединетото Кралство, Лосон
-
Позиција на МНР за Заедничката изјава од Литванија во Советот за човекови права на Обединетите нации
-
Филипче на прва координација со пратеничката група на СДСМ
-
Кавадарчанец силувал 26-годишна девојка
-
Вучиќ: Зголемени дејствија на авиони и беспилотни летала со извидувачки намери кон Србија
-
Се тепале татко и син во Куманово, употребен е и нож