ЕКК: Прв пораз на ШК Алкалоид

Прв пораз на македонската надеж на Европскиот шаховски клубски куп ШК Алкалоид  и тоа во  5.коло  од Падова со 3,5:2,5. Од другите македонски екипи Гамбит Асеко го победи холандскиот тим Ен Пасант со 4:2, додека другите две екипи одиграа нерешено.

 

Центар „ремизираше“ 3:3 со днаскиот тим Јестмарк, додека Карпош одигра 3:3 со Кардиган од Велс.

Денеска во рамите на 6.коло Алкалид ќе игра со лидерот на табелата екипата на Сиберија, Гамбит Асеко за противник го има тимот на Марена , додека Центар ќе игра против Бешикташ, а Карпош за ривал ја има екипата на Абергавени од Велс.

На чело на табелата е Сиберија со 10 поени, а Алкалоид е во групата на осум екипи со 8 бодови на делба од 2-то до 9-то место.

Женската екипа на Гамбит Асеко во 5.коло ја победи екипата на ШСМ со 3:1 и се наоѓа на втората позиција на табелата со 8 поени, зад екипата на Нона која има 10. Денеска женскиот тим на Гамбит Асеко ќе игра против Ришон Лезион од Израел.