Експлозија во Могадишу, загина еден владин претставник и повредени три лица

Најмалку две лица загинаа при експлозија во главниот град на Сомалија, Могадишу, соопштија полициски извори.

– Експлозивната направа е активирана во близина на најголемиот контролен пункт во градот, при што загинаа две лица, а неколкумина се повредени, изјави полицаецот Ахмед Дахир.

Според него, цел на терористите бил еден од градските функционери.

Локалните медиуми, пак, објавија дека во нападот е убиен еден државен службеник, а други три лица се повредени.

Досега никој не ја преземал одговорноста за нападот.