ЕЛЕМ продаде вишоци струја во износ од 1,6 милиони евра

АД ЕЛЕМ во текот на вчерашниот ден продаде вишоци електрична енергија во количина од 19.080 MWh, за вкупна сума од 1.621.956 евра.

На аукцијата, како што соопшти АД ЕЛЕМ, беа понудени количини за ноември 2018 година, а постигнатите цени по кои е продадена електричната енергија беа 74,50; 70,50; 92,60 и 92,50 евра за MWh.

АД ЕЛЕМ во текот на оваа година седум пати продава вишоци електрична енергија на отворениот пазар. Преку овие аукции, оваа година се продадени вкупно 339.040 MWh електрична енергија, во вкупна вредност од 19.778.649 евра.