Елиминации на Јотовски и Деари во првото коло

 

 Македонските тенисери Томислав Јотовски и Шендрит Деари, се елиминирани уште во првото коло на ИТФ тенискиот фјучерс турнир што се игра во Хамамет, Тунис за вкупен награден фонд од 10 илјади американски долари.

 

Нашиот најдобро рангиран тенисер Јотовски во првото коло од главниот турнир во поединечна конкуренција, е поразен во два сета од Бенжаман Балре од Монако.

 

Искусниот 33-годишен Балре (732-ри на АТП-листа) кој е послабо рангиран од Јотовски (669-ти на АТП) мечот го доби лесно за само 1 час и 11 минути игра препуштајќи ми на Јотовски по два гема во двата сета (6-2 и 6-2).

 

И Шендрит Деари (1.655-ти на АТП) одигра само два сета. Тој во дуелот со осмиот носител на турнирот, Русинот, Роман Сафиулин (634-ти на АТП), загуби со 4-6 и  4-6.