Ен-Би-Си: Можни воздушни напади на САД врз ИД на Филипините

Пентагон разгледува план со кој на американската армија би и се дало „зелено светло“ да изврши воздушни напади врз позиции на ИД на Филипини, објави Ен-Би-Си Њуз, повикувајќи се на двајца неименувани извори од Министерството за одбрана.

Планот би можел да биде претставен денеска. Нападите би се извршувале најверојатно, со беспилотни летала.

Ако планот биде одобрен, американската армија ќе може на Филипини да напаѓа позиции на ИД што се закана за сојузници на САД во регионот.

Портпарол на Пентагон изјави дека армијата на САД со години разменува разузнавачки податоци со Филипини.