ЕП одобри 18 милијарди евра помош за Украина
Eвропскиот парламент денеска го одобри предлогот Украина следната година да добие 18 милијарди евра економска помош од ЕУ.
Европската комисија предложи Киев да ја добие сумата во еднакви делови, отплатата на заемот да започне по 10 години, а каматата да ја покриваат земјите од ЕУ.
Комисијата предвидува средствата да бидат искористени за поддршка на основните јавни потреби, вклучително и работата на болниците и училиштата, обезбедувањето засолништа и обновувањето на инфраструктурата оштетена од руските воздушни напади. Заемот се очекува да биде отплатен за 35 години.
„За исплата на заемот потребни се реформи за зајакнување на институциите на Украина и подготовка за нејзино закрепнување на патот кон членство во ЕУ“, се вели во соопштението на ЕП.
Се додава дека денешната одлука е донесена со 507 гласа „за“, 38 „против“ и 26 воздржани.
Од почетокот на војната, ЕУ обезбеди 19,7 милијарди евра за поддршка на Украина.
За заемот, одобрен од европратениците денеска, треба дополнително гласање во Советот на ЕУ на 6 декември.
Популарно од Свет
Ново на Сител
-
Српските студенти во блокада за утре најавија акција за собирање потписи - „Распиши победа“
-
Зеленски ќе ја посети Канада на пат кон Флорида, онлајн ќе разговара и со европските лидери
-
Вучиќ разговарал со Орбан за енергетската безбедност, му се заблагодарил за поддршката на Србија
-
Сиљановска-Давкова: Вредноста на нашите мировници никогаш не била повидлива
-
Исчезнатиот кавадарчанец пронајден починат
-
Ваташанец лишен од слобода, возел со 1,77 промили алкохол во крвта
-
Евзони е блокиран за сите видови на сообраќај за влез и излез
-
Рубио повика на воздржаност поради ескалацијата на насилството во Јемен
