ЕП Полска 2016: Прибак: Одигравме скоро за „петка“

Нов нерешен резултат оствари македонската репрезентација. Овојпат на дуелот од главната фаза по еден бод поделија Македонија и Норвешка. Во микс зоната македонскиот репрезентативец Немања Прибак изјави:

- Одигравме скоро за „пет“ игравме смирено со добар проток на топка, трчавме дадовме добри голови од контра и полуконтра, а другите селекции не постигнаваа такви голови со Норвешка. Ова е тркачка екипа и тешко е да се издржи 60 минути со нив. Во 50.минута бев убеден дека ќе победиме, не се случува екипа да загуби со такво водство. Важно беше што одморивме малку, не е добар ритам да се игра секој втор ден. Добро се подготвивме, а сепак мислам дека Норвешка не одигра на ниво како против Полска.

За последниот натпревар во среда со Белорусија Прибак истакна:

- За дуелот со Белорусија ни е важно да победиме. За пласман, за квалификации, ќе играме максимално за победа.