Ердоган наскоро ќе ја посети Атина

Претседателот на Турција, Реџеп Тајип Ердоган планира да ја посети  Грција, најави заменик премиерот Хакан Чавушоглу.

- Следните денови нашиот почитуван претседател ќе замине во посета на Грција. Патувањето на нашиот претседател ќе биде прво во последните 65 години. Мислам дека тоа ќе биде многу важно за соработката помеѓу двете држави, истакна Чавушоглу.

Ердоган како премиер во 2010 година ја посети Атина.

Турција и Грција имаат неколку отворени прашања, меѓу кои спорот за акватериторија и за воздушен простор во Егејско Море, кипарското прашање, како и претпоставката дека Атина им пружа засолниште на членовите на организацијата ФЕТО, која Анкара ја обвинува за минатогодишниот неуспешен обид за воен удар.