Ескобар денеска во Косово, нема да се сретне со Курти
Специјалниот пратеник на Соединетите Американски Држави, Габриел Ескобар се очекува да допатува денеска во Косово, од каде што утре ќе замине во посета на Србија, јави дописникот на МИА од Приштина.
Во краткото соопштение на американскиот Стејт департмент се вели дека „заменикот помошник државен секретар ќе ги посети Приштина и Белград со цел да го поддржи дијалогот“ меѓу двете држави. Најавeна е срeдба на Ескобар со претседателката на Косово, Вјоса Османи, а вечерва во Амбасадата на САД ќе има работна вечера со лидерите на трите најголеми опозициски партии, Мемли Красниќи (Демократска партија на Косово), Љумир Абдиџику (Демокртаски сојуз на Косово) и Рамуш Харадинај (Алијанса за иднината на Косово).
За време на перстојот во Приштина американскиот емисар нема да се сретне со премиерот Албин Курти. Портпаролот на Владата на Косово, Прпарим Криезиу изјави за ТВ Клан Косово дека во агендата на премиерот за денеска не е предвидена некаква средба.
Посетата на Ескобар доаѓа по средбата на Курти со српскиот претседател Александар Вучиќ во Брисел, на која не беше постигнат некаков договор, како и во пресрет на почетокот на спроведување на косовскиот реципроцитет кон Србија во однос на патните исправи и регистерските таблички, најавен за 1 септември.
За утре е најавена посета на Приштина, а потоа и на Белград, и на специјалниот пратеник на Европската унија за дијалогот меѓу Косово и Србија, Мирослав Лајчак.
Ново на Сител
-
СДСМ бара нула данок за основната храна, предлог кој го одбија лани од ВМРО ДПМНЕ
-
Јавна расправа: Има ли спас за студентските домови во Македонија?
-
Жители на Батинци: Живееме како во контејнер оти Дрисла пушта канцерогена вода во Маркова Река
-
Хирурзи и специјалисти од приватни болници се враќаат во државното здравство
-
Кривични пријави против Вучиќ, Брнабиќ и Вучевиќ
-
Преглед на вестите од светот
-
Филипче: СДСМ се подготвени за избори
-
Меџити: Има стабилно мнозинство, предвремени парламентарни избори се само трошок за државата