ЕУ ја казни Грција со 10 милиони евра за неправилно управување со опасни отпадоци
Грција ќе треба да плати најмалку 10 милиони евра заради неправилно управување со опасни отпадоци, утврди денеска Судот на Европската Унија, цитиран од ДПА.
Ова не е првпат Атина да биде на тапет заради лошо стопанисување со отпадот.
Во 2009 година истиот суд одлучи дека Грција треба да воведе систем за управување со опасни отпадоци, чие разградување одзема дополнителен период и често пати тие можат да бидат канцерогени.
Во 2014 година Европската комисија ја повика грчката Влада да посвети внимание на неуспешното реализирање на барањата во определениот период и ги повика судиите во Луксембург да определат казна.
Освен казната од 10 милиони евра, Атина сега ќе треба да плаќа и по 30.000 евра дневно, сметано од денеска, се додека не ја исполни судската одлука од 2009 година.
Шест години по утврдувањето на состојбата, меѓутоа, Грција се уште не ја почнала изградбата на неколку неопходни инсталации и трите депоа, потребни за чување на опасните отпадоци, забележа судот.
Ново на Сител
-
Турција: Офанзивата во Рафа е уште едно воено злосторство на Израел
-
Германија поради европското фудбалско првенство воведува контроли на сите граници
-
Курти: Србија пропагира за насилство врз Србите во Косово, а фактите го кажуваат спротивното
-
Одлука за испраќање припадници на АРМ на вежби во Бугарија и Германија и во операција на НАТО во Косово
-
МВР: Лични документи може да се подигнат и утре
-
Кривична пријава за злоупотреба на службена положба и овластување
-
Истрага за недозволено држење оружје
-
Обид за кражба во простории на Општина Чаир каде се чувал изборен материјал