ЕУ со критики за Црна Гора поради отсуство на политички дијалог
Европската Унија изрази жалење што не се изгласани законите за изборна реформа во Црна Гора поради отсуство на политички дијалог и потсетува дека бојкотот не претставува добро решение.
– Ова претставува пропуштена можност за Црна Гора да го обнови политичкиот дијалог во Парламентот, да ја ревидира изборната законска рамка на инклузивен начин, да ја зголеми довербата во пресрет на парламентарните избори идната година и да постигне меѓупартиски договор за бројни критериуми кои се важни за ЕУ агендата на Црна Гора, посебно во делот на поглавјата 23 и 24 поврзани со владеењето на правото, изјави портпаролот на Европската служба за надворешни работи, Петер Стано.
Европската Унија бара дијалогот да се одржи во Парламентот и да се стави крај на бојкотот, кој не може да биде решение „посебно за земја што преговара за членство во ЕУ“.
– ЕУ конзистентно ги охрабрува сите политички чинители во Црна Гора да преземат одговорност и да ја вратат политичката дебата назад во Парламентот, вели Стано.
Ново на Сител
-
Бојмацалиев: Над 603.000 патници на Меѓународниот аеродром Скопје, во првото тримесечје од 2024
-
Во ЗОО Скопје се роди двогрба камила
-
Тешко повреден малолетник во сообраќајка на патот Охрид-Ресен
-
Над 157.000 Грци се пријавиле за поштенско гласање на евроизборите
-
СПМ повикува на масовна излезност на 8 мај, за иднина и стабилност на државата
-
Уапсени и осудени двајца државјани на Македонија за внесување фалсификувани бланко документи во Грција
-
Александар Николовски од УКИМ избран за претседавач на Националното студентско тело
-
Русија: Убиени пет напаѓачи и двајца полицајци во Република Карачај-Черкезија