ЕУРО 2016: Унгарија со победа се врати од Норвешка

Фудбалската репрезентација на Унгарија славеше во Осло против Норвешка со 1:0, во првиот меч од баражот за пласман на Европското првенство во Франција.

 

Единствениот гол на натпреварот го постигна 21-годишниот Ласло Клајнхајсер во 26 минута, кога со полуволеј ја погоди мрежата на норвешкиот голман Ниланд.

 

Норвежаните во текот на целиот натпревар го диктираа ритамот, имаа неколку шанси за постигнување на гол, првата во четвртата минута преку Скјелберг.

 

Реваншот ќе се одигра в недела во Будимпешта.

 

Преостанатите бараж натпревари ќе се одиграат во петок и сабота, а ќе играат Босна и Херцеговина-Република Ирска, Укрина-Словенија и Шведска-Данска.