„Еуросиг“ нов сопственике на „Инсиг“

Албанската осигурителна компанија „Еуросиг“ и официјално стана нов соптевник на осигурителна компанија „Инсиг“, откупувајќи го целиот пакет акции за 2,2 милијарди леки (16 милион евра).

„Инсиг“, основана во 1991 година, имаше монопол на албанскиот осигурителен пазар до 2000-та година, кога оваа индустрија во Албанија беше либерализирана.

Од тогаш, албанската Влада во четири наврати се обидуваше да ја продаде компанијата и најблизу беше во 2009 кога „Американ Резрев Лајф Иншуранс“ се повлече од договорената зделка да купи 62 отсто од друштвото за 25 милиони евра.

Раководството на компанијата „Еуросиг“ во соопштение,по заокружувањето на приватизацијата, наведува дека со претопувањето на двете компании во една, услугите ќе бидат попрофесионални и на ниво на европските стандарди.

Купувањето на акциите на „Инсиг“ се оценува како „постигнување остварено по неколкугодишна ангажираност со пожртвуваност и посветеност кон граѓаните“.

Претседателот на компанијата „Еуросиг“ ,Кадри Морина, најави дека за сите актуелни клиенти на „Инсиг“ услугите ќе бидат сигурни и квалитетни.