Европскиот пасош се „визира“ во Варшава
Македонската фудбалска репрезентација е пред тешка задача вечерва во Варшава. Квалификациски дуел за ЕП со првиот фаворит во групата Полска. Бодови ќе се бараат без повредените Адеми и Тричковски.
Големи проблеми за селекторот Игор Ангеловски пред важниот дуел со Полска кој може да ни донесе важни бодови во битката за првите две позиции на табелата.
По Барди, Крсте и Дарко Велковски вечерва поради повреда нема да бидат во комбинации уште и Адеми и Тричковски.
Добар знак е што се враќа Бејтулаи но за вечерва ќе бидат потребни повеќе свежи играчи по тешкиот натпревар со Словенија.
Македонија нема избор мора да победува и на вакви натпревари за да ја оствари целта. А Полска е еден од најнезгодните противници. Досега не победи три пати а ремизиравме само еднаш. Ја бараме првата победа против тимот кој го предводи Левандовски и минимално не победи во Скопје.
Полјаците играат извонредно на свој терен и цели 6 години и вкупно 15 натпревари се без пораз. Но секоја традиција има крај. На потег се капитенот Пандев и неговите соиграчи....Играат добро на гостински терен каде се без пораз во овие квалификации. Нека биде така и вечерва во 20.45ч. во Варшава.
-
Зоран Николовски
Сите содржини од овој новинар