ОН: ФАРК го предадоа оружјето

Левичарските бунтовнички сили на Колумбија и официјално го завршија процесот на разоружување во согласност со ланскиот историски договор со кој се прекинаа полувековните судири со владините сили.

ОН соопштија дека добиле 7.132 парчиња оружје од борци на Револуционерните оружени сили на Колумбија. Мала количина оружје ќе остане во рацете на бунтовниците уште еден месец. Тие штитат 26 кампови каде 7.000 борци на ФАРК минуваат низ процес на прилагодување во цивилен живот.

Лидерот на ФАРК, Родриго Лондоно би требало и официјално денеска со претседателот на Колумбија Хуан Мануел Сантос да го заклучи процесот на разоружување.