Фетел: Шумахер е најголемиот возач во историјата на Формула 1

Четирикратниот шампион во Формула 1, Себастијан Фетел, го прогласи најдобриот возач во историјата на шампионатот.

-Михаел Шумахер е мојот херој од детството и, според мене, најголемиот Формула 1 возач во историјата, дури и ако статистички тоа е Луис Хамилтон изјави Фетел за швајцарскиот весник „Tages Anzeiger“.

Шумахер дебитираше во шампионатот на Големата награда на Белгија во 1991 година. Тој има седум шампионски титули во Формула 1.

Шумахер не е виден во јавноста од 29 декември 2013-та, денот кога доживеа тешка повреда на мозокот после пад на скијање.