Фицо: Вонреден самит на Вишеградската група за неквалитетна храна за новите членки на ЕУ
Словачкиот премиер Роберт Фицо најави во Братислава дека Вишеградската група на вонредниот самит следната недела во Полска ќе побара од Европската унија да се спречи неприфатливата пракса во посткомунистичките членки на ЕУ да се извезуваат истите производи со полош квалитет и поинаков состав отколку на Западот.
- Неприфатливо е наднационалните компании да извезуваат на територијата на новите посткомунистички земји производи со полош квалитет, отколку оние што под исто име и со исто пакување се продаваат во продавниците на Западна Европа, изјави Фицо вчера во Братислава.
Повеќе различни тестови во Чешка и Словачка изминатите години покажаа дека составот на намирниците и стоката која ја купуваат „новите“ и „старите“ западни Европејци не се исти и оти на пазарот на посткомунистичките членки производите се со полош квалитет или со посиромашен состав, отколку за западните потрошувачи.
Наднационалните компании досега ги отфрлаа обвиненијата дека на Исток извезуваат неквалитетна стока и тврдат дека разликата во составот е поради „вкусот на потрошувачите“.
- Ќе бараме од Европската комисија во што е можно покусо време да ги усвои прописите и да ја спречи праксата, која ги понижува граѓаните на Полска, Чешка, Словачка и Унгарија.
- Не ја исклучувам можноста Словачка да организира граѓански референдум и да собере милион потписи со цел Европската комисија да мора да се позанимава со прописите, рече Фицо.
Ново на Сител
-
Три вработени во ЈСП Скопје обвинети за проневера од 23 милиони денари
-
Уапсен Илир Мета, поранешен претседател на Албанија и лидер на Партијата на слободата
-
Министерот Трипуновски потпиша договор со Управата за хидрометеоролошки работи за користење на финансиска поддршка од 1.000.000 денари
-
Околу двесте лица вакцинирани од утрото во поликлиника „Бит Пазар“
-
Трамп за Волстрит Журнал: На Путин му реков дека ќе го гаѓам центарот на Москва доколку ја нападне Украина
-
Неизвесен за натпреварот со Порто - Борозан нападнат од кучиња скитници
-
Уапсени две лица барани од Интерпол-Австрија и Интерпол–Словачка
-
Намалување на цените на горивата