Филипче: Дете од Велес се заразило со Ковид-19 во училиште

Министерот за здравство, Венко Филипче на денешната прес конференција соопшти дека едно дете од Велес се заразило со Ковид-19 и тоа за прв пат во внатрешноста на училиште.

- Бројките досега покажуваат дека е навистина мал бројот на ученици кои се заболени. До крајот на минатата недела во четири скопски општини во по две училишта во секоја од општините по едно заразено дете со мал број на контакти според епидемиолошките анкети. Денеска дополнително уште два ученика, еден од Велес и тоа за прв пат во внатрешноста и во уште едно училиште тука во Скопје што значи дека навистина е мал бројот на деца кои до сега се евидентирани дека заболеле, изјави министерот за здравство.