Филипче: Не се предвидени нови рестрикции за угостителските објекти, но можно е и тоа да се случи
Засега не се планираат дополнителни мерки за справување со ширењето на Ковид-19 во однос на работата на угостителските објекти и групирањата преку ден на јавни простори, во паркови и на игралишта. Министерот за здравство Венко Филипче во изјава за медиумите кажа дека за работата на угостителските објекти има протоколи што треба да се спроведуваат, како и ограничувања за групирањата на јавни простори. Тој го пренесе апелот на Комисијата за заразни болести до инспекторатите да ги интензивираат контролорите за почитување на мерките.
-Засега не, можно е и тоа да се случи. За угостителските објекти има протоколи и се што треба е да се почитуваат. Инспекоратите може и Комисијата за заразни болести апелираше, свесни се дека се на терен и под притисок, но колку може таа работа да се интензивира во смисла на контрола и проценка дали се почитуваат препораките или не, рече Филипче.
Според него, угостителските објекти работат со протоколи, што се сосем доволни, и врз основа на стандардните принципи за да се спречи ширењето на болеста.
За групирањата на игралиштата и јавните простори, министерот за здравство рече дека исто така нема нови мерки, но потенцираше дека сите инспекторати сега имаат зголемени ингеренции и оти со интензивна работа сите тие протоколи може да се контролираат.
Комисијата за заразни болести предложи од среда во земјава да се воведе полициски час од 22 до 5 часот наутро за да се спречи ширење на новиот бран на Ковид-19. Освен ова засега други мерки, како викенд карантини и други рестрикции не се предвидени. Бројките на заразени со Ковид-19 се зголемуваат во Скопје, Куманово, Прилеп…
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп