Филмот „Златната петорка“ го отвори фестивалот на Југоисточна Европа во Париз

Македонскиот игран филм „Златната петорка“ во присуство на режисерот Горан Тренчовски го отвори седмото издание на фестивалот на кинематографиите на Југоисточна Европа (SEE a Paris 2017) во културниот центар L’Entrepot во Париз. 

Пред поголем број видни личности од француската и европската културна сцена, филмот беше награден со долготраен аплауз. 

На свеченото отворање се обрати основачот и претседателот на фестивалот Јордан Плевнеш, кој даде акцент на годишната богатата филмска програма во трите европски престолнини, Берлин, Брисел и Париз.

Во периодот од 31 мај до 3 јуни ќе бидат прикажани преку 40 играни, кратки и документарни филмови на три локации во Париз: културниот центар L’Entrepot, Универзитетот INALCO, каде ќе се одржи и интернационалниот симпозиум на тема „Европеизација на Балканот или балканизација на Европа“ и во „Le Palace“ каде ќе биде и свеченоста на доделувањето на наградите