Фирма од Албанија вршела незаконски ископ на минерални суровини од наоѓалиште во Дебрца
Охридската полиција поднесе кривична пријава против струшка подружница на фирма од Албанија, чии работници вршеле незаконска ескплоатација на минерални суровини од наоѓалиште во Општина Дебрца.
Според полицијата, лица ангажирани од правниот субјект „Викториа Инвест Струга“, - подружница на правното лице „Викторија Инвест ДОО“ од Елбасан Република Албанија, во текот на овој месец на нива приватна сопственост во Ново Село вршеле нелегална експлоатација на минерални суровини, без притоа да поседуваат концесија, односно соодветна дозвола за експлоатација на минерални суровини. Притоа биле ископани околу две илјади метри кубни материјал, со што оствариле противправна имотна корист од 600 илјади денари.
Полицијата со овластување од Јавен обвинител, на 12 август извршила контрола и увид кај местото „Лазиште“, при што биле затекнати работници кои со ровокопач вршеле ископување на чакал и песок. На лице место е изготвена фотодокументација и обезбедени се примероци од минералната суровина за вештачење во Министерството за внатрешни работи во Скопје.
Дополнително, на 17 август, овластени инспектори од Државниот инспекторат за техничка инспекција на Република Македонија, извршиле инспекциски надзор. Тие констатирале дека на локалитетот „Лазиште“ кај Ново Село од страна на фирмата „Викторија Инвест ДОО“, извршен е нелегален ископ на минерални суровини за што изготвиле соодветен записник.
Кривична пријава е поднесена и против лицето А.Д. (40), инаку управител во правниот субјект „Викториа Инвест Струга“.
Ново на Сител
-
Костадинов: Водата во Струмица е исправна - се чека потврда од ИЈЗ
-
Пациентите со рак на дојка бараат лекови на позитивната листа, подобрување на скринингот и нови протоколи
-
Нема медицински кадар, а се бркаат стручни лица од болниците
-
Малолетнички бракови тренд во Прилеп
-
Регионален центар за управување со отпад за истокот и североистокот
-
Преглед на вестите од светот
-
Ќе се најде ли натпартиски консензуз за уставните измени со одложено дејство
-
Тема на денот со министерот за култура, Зоран Љутков