Фон дер Лајен: Само обединета ЕУ може да биде силна
Избраната претседателка на Европската комисија, Урсула Фон дер Лајен, денеска од Загреб порача дека нејзините политички цели се да се урамнотежат истокот и западот, северот и југот, малите и поголемите членки на Европската Унија.
– Ако сме обединети, напредни, силни, ако зборуваме со силен европски глас, можеме да успееме, изјави Фон дер Лајен пред средбата со хрватскиот премиер Андреј Пленковиќ.
Таа на функцијата официјално ќе стапи во октомври, и со тоа ќе стане првата жена на таа должност. Фон дер Лајен побара од земјите членки на ЕУ до 26 август да ги достават своите кандидати за европски комесари, но досега тоа го направиле само 16 од вкупно 28. Исто така, таа бара секоја земја да предложи по двајца кандидати – еден маж и една жена, но засега тоа не се почитува.
Фон дер Лајен пристигна во Загреб по посетата на Берлин, Париз и Варшава и истакна дека ѝ било многу важно да дојде во хрватската престолнина по тие три града, бидејќи „Хрватска е најмлада членка на ЕУ, но е извонредна“.
– Фактот што на почетокот на следната година ќе претседавате со ЕУ, покажува дека Хрватска е исклучителна приказна за успехот на Европската Унија и оти може да биде пример за други држави, посочи следната претседателка на ЕК. Хрватска ќе претседава со ЕУ во првата половина на 2020 година, а по неа кормилото го презема Германија, земјата од каде што доаѓа Фон дер Лајен.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“