Франција понуди да лекува болни и ранети палестински деца од Газа
Франција ќе испрати воен брод во Источниот Медитеран за да им пружи медицинска помош на Палестинците на кои им е потребна, соопшти денеска кабинетот на претседателот Емануел Макрон.
Како што јави ДПА, се очекува за неколку дена во Египет да пристигне носач на хеликоптери од француската морнарица.
Во исто време, на почетокот на неделава е предвидено во регионот да замине уште еден авион натоварен со медицинска опрема и хуманитарна помош.
Париз, исто така, ја изрази својата подготвеност да прифати болни и повредени палестински деца од Појасот Газа на кои им е потребна итна медицинска помош, што ќе им биде обезбедена во француските болници.
Досега само релативно мал број од ранетите успеале да го напуштат блокираниот Појас Газа.
Во петокот, египетската Црвена полумесечина соопшти дека повеќе од 70 лица, вклучително и група деца, ќе бидат лекувани во Обединетите Арапски Емирати, кои понудија да примат до 1.000 деца од Појасот Газа на медицински третман.
Макрон вчера имаше телефонски разговор со египетскиот претседател Абдел Фатах ал Сиси. Според Елисејската палата, тие се согласиле дека грижата за ранетите во Газа и испораката на хуманитарна помош треба подобро да се координираат.
Исто така, неопходно е да се дозволи влез на повеќе камиони во палестинската енклава, соопшти француското претседателство.
Ново на Сител
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи