Германија ги продолжи ограничувањата поради пандемијата до 10 јануари
Германската канцеларка Ангела Меркел и лидерите на федералните држави одлучија до јануари да ги продолжат ограничувањата воведени поради пандемијата на Ковид-19.
Меркел рече дека Германија е сè уште многу далеку од својата цел, а тоа е бројот на заразени на 100.000 жители да го намали на 50.
Во Германија во моментов во сила е забрана за работа на ресторани, кафулиња и спортски сали, како и ограничувања на личните контакти. Овие мерки ќе важат до 10 јануари, иако е договорено некои ограничувања да бидат ублажени за време на Божиќ.
Германската канцеларка исто така изрази доверба во постапката за проценка на вакцините со цел издавање на одобрение за ставање во промет спроведена од Европската агенција за лекови.
Агенцијата соопшти дека ќе се состане на 29 декември за да го разгледа барањето поднесено од компаниите Фајзер и Бионтек, чија вакцина вчера доби дозвола за употреба во Велика Британија.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево