Германскиот министер за одбрана Писториус утре во Белград на средба со Вучиќ
Министерот за одбрана на Сојузна Република Германија Борис Писториус утре ќе престојува во Република Србија, каде што според соопштението од Кабинетот на српскиот претседателот, ќе оствари средба со Александар Вучиќ, по што се предвидени изјави за медиумите, јави дописникот на МИА од Белград.
Писториус вчера во Приштина на прес-конференција по средбата со косовската претседателка Вјоса Османи, рече дека „барање на денот“ за Косово и Србија е деескалација на односите меѓу двете држави и повика на „на разумност и претпазливост“ при преземањето дејствија од страна на косовските власти.
Тој ја повтори заложбата на германскиот канцелар Олаф Шолц за интегрирање на Западен Балкан во ЕУ, нагласувајќи дека „за тоа е потребен дијалог како услов“.
Во врска со спроведувањето на новата регулатива на Централната банка на Косово, со која се забранува употребата на српскиот динар во земјата, Писториус рече дека Косово има право да го спроведе своето законодавство, меѓутоа од Приштина се бара да се одложи примената на оваа регулатива за подолг период.
Ново на Сител
-
Како да се „спасат'' Преспанското и Охридското Езеро?
-
Тема на денот со претседателката Гордана Сиљановска Давкова
-
Бугарскиот амбасадор одби да ја прими протестната нота од МНР, за Сител вели не бил прекршен ниту еден протокол
-
Протестна нота за бугарскиот амбасадор, за МНР потегот е несоодветен и неевропски
-
Радуков со позициите на Радев во МНР, одбил да ја прими протестната нота
-
Комитетот почна со истрага во М-НАВ, за неколку дена се очекува првичниот извештај
-
Уставен суд пред конечна одлука, дали да застарува извршувањето на долговите
-
Есенската кошница ќе се носи следната недела