Гир: Регулативата на ЕУ, што ќе стапи во август, забранува споделување верска и етничка припадност
Евроамбасадорот Дејвид Гир, во однос на тоа дали законот за лични карти и наведувањето на етничка определба е согласно европската регулатива, рече дека главната ЕУ регулатива кога станува збор за ова прашање е општата регулатива за заштита на лични податоци, што го забранува споделувањето на лични податоци како расна и етничка припадност, како и политичка и верска припадност.
-Во Европската Унија, личните карти во моментов се сеуште регулирани од страна на земјите членки, но регулативата што ја споменав, што ги содржи првите правила кои се однесуваат на овие документи на ниво на Унијата, ќе стапи на сила во август 2021, рече Гир на заедничката прес-конференција со министерот за економија Крешник Бектеши по повод претседавањето на земјава со ЦЕФТА.
Евроамбасадорот додаде дека усогласувањето на законодавството на земјава со правилата и стандардите на ЕУ е важен процес и оти ЕУ отсекогаш ја охрабрувала Македонија да постигне напредок на ова поле затоа што, посочи, ова е едно од првите работи што би се оценувале при почетокот на проговорите.
Во однос на имплементацијата на препораките на ОБСЕ/ОДИХР околу изборниот закон, Гир истакна дека важно овој процес да се спроведе навремено, односно, како што рече, доволно време пред изборите.
-Во октомври 2020 Европската комисија го објави редовниот извештај за напредокот на Македонија во однос на имплементација на европските стандарди, во кој ја подвлече важноста од измени во изборниот законик согласно препораките на ОДИХР и Венецијанската комисија кои мора да бидат навремено направени. Важно е што овој процес сега продолжува, но важно е и да се спроведе навремено, односно доволно време пред изборите. Постојат работни групи кои работат на ова прашање, но најважно е да се следат стандардите на ОДИХР и Венецијанската комисија, подвлече евроамбасадорот Гир.
Ново на Сител
-
За време на празничниот викенд од ГП Табановце излегле над 29 илјади македонски државјани
-
Таравари: Не очекуваме негативно мислење за законот за правична и соодветна застапеност
-
Во багаж на патник во автобус со турски национални ознаки пронајдени 30 штеки цигари
-
Залутан куршум оштети кров на скопјанец
-
Косовската полиција заплени 120 000 евра шверцувана стока од Македонија
-
Прегазен пешак во Скопје, возачот избегал
-
ЈП „Комунална хигиена“: Отстранети диви депонии во скопските општини Аеродром, Центар, Карпош и Чаир
-
Светската банка: Најсиромашните земји во светот се соочуваат со рекордна задолженост и ранливост