Ѓерлек: Имунизацијата во Србија ќе биде готова до јуни, досега за вакцинација пријавени над 110.000 лица
Доколку Србија ги добие сите договорени дози на вакцини, имунизацијата на граѓаните на Србија ќе биде готова до средината на јуни годинава, изјави државниот секретар во Министерството за здравство, Мирсад Ѓерлек.
Ѓерлек во интервјуто за Политика посочи дека Србија е меѓу ретките земји во светот што во јануари и февруари ќе има 500.000 дози од руската вакцина „Спутник V“, еден милион дози кинеска вакцина и 300.000 „Фајзер“.
Тој кажа дека „никој што ќе аплицира за вакцинација нема да остане без вакцина“, додавајќи дека премиерката Ана Брнабиќ најавила дека е планирана набавка на осум милиони вакцини, што значи дека четири милиони граѓани ќе можат да се вакцинираат.
-Повеќе од 110.000 граѓани, претежно млади, од понеделникот до денеска се пријавија преку веб-страницата е-управа со желба да се вакцинираат против Ковид 19, изјави Ѓерлек.
Според него, иако во Србија на почетокот имало најголем интерес за руската вакцина Спутник V, сега граѓаните подеднакво аплицираат и за неа, и за кинеските и за вакцините на „Фајзер“.
Ѓерлек посочи дека од утре граѓаните ќе можат да аплицираат за вакцинација и преку телефонски број.
-Може да се случи во одреден момент да ја немаме на залиха вакцината што некој ја сака, што го продолжува времето на чекање за имунизација. Но и покрај тоа, ние ќе останеме доследни секој да може да избере која вакцина сака да ја земе, кажа Ѓерлек.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски