Ѓоковиќ по три часа го совлада Нишикори

Најдобриот светски тенисер Новак Ѓоковиќ успеа да се пласира во финалето на Мастерсот во Рим откако по повеќе од три часа игра и неколку минути пред полноќ со 2-1 во сетови го победи Кеи Нишикори.

Ѓоковиќ лошо го почна полуфиналето и Јапонецот го доби првиот сет со 6:2 во гемови. До 4:4 во вториот сет беше изедначено, а потоа Ѓоковиќ направи серија од четири гема изедначи на 1:1 (6:4 во вториот сет) и поведе со 2:0 во решавачкиот. Сепак Нишикори го врати брејкот и на крајот решаваше тај брејкот во третиот сет што Ѓоковиќ го доби со 7:5. Во бројот на  освоени поени беше 112:111 за Ѓоковиќ.