Ѓорѓиевски: За моите сограѓани секогаш има време - и оваа сабота со отворени врати и искрен разговор

Градоначалникот на Град Скопје, Орце Ѓорѓиевски, денеска во својот кабинет оствари средби со повеќе од 50 граѓани, со кои разговараше за нивните секојдневни проблеми, потреби и можностите за изнаоѓање брзи и конкретни решенија.

Како што информираат од Град Скопје, средбите се дел од редовната практика на градоначалникот за непосредна комуникација со граѓаните и запознавање со предизвиците со кои се соочуваат.

- Секој човек заслужува да биде сослушан со внимание и почит. Зад секое барање стои нечие семејство, нечие секојдневие и надеж дека ќе се најде решение. Таа доверба за мене е голема одговорност. Од овие средби секогаш заминувам со нови сознанија, добри предлози и идеи за нашиот град. Особено ги ценам мудрите совети на повозрасните сограѓани, чие искуство е драгоцено. Токму затоа, дел од приемните денови ги одржувам и за време на викендите. Да имаме повеќе простор за мирен и отворен разговор, да се посветиме на секое прашање и заедно да го побараме следниот чекор кон решение. Мојата врата останува отворена за секој човек. Да бидам достапен, да слушам и да постапувам, тоа е мојата обврска кон вас, секој ден – изјави Ѓорѓиевски.

Од Град Скопје информираат дека граѓаните кои сакаат да остварат средба со градоначалникот можат да закажат термин на телефонскиот број 02/3 279 204. Средбите со граѓаните продолжуваат и во наредниот период. 

МИА