Глигоров: Ако PayPal не реагира, ќе се преговара со други платежни провајдери
Ако PayPal не реагира во некој разумен рок, ќе се премине на контактирање други платежни провајдери актуелни во светот, најавува Венко Глигоров, основачот на Логин Системи и водачот на приватната инцијатива за воведување PayPal за електронска трговија во Македонија.
Во денешното писмо до официјалните лица на глобалниот платежен сервис, Глигоров ги посочува придобивките на PayPal со отворањето на платежниот систем во Македонија.
Приватната иницијатива за воведување PayPal, потсетува Глигоров, наиде на поддршка од преку 1.000 претприемачи и професионалци, а Министерството за финансии се заложи да ја предводи државната меѓуресорска група составена од надлежните министерства, Народната банка на РМ и банкарскиот сектор.
- Целите на иницијативата се да се отворат нови можности и продажни канали на македонските претприемачи и професионалци, да се намали одливот на „мозоци“ од Македонија и да се ублажи даночната евазија заради отворање сметки на ПејПал во странство од страна на македонските граѓани и бизниси, наведува Глигоров.
Писмото што го испрати Венко Глигоров е продолжение на комуникацијата на Министерството за финансии со PayPal од летото годинава.
Ново на Сител
-
Советот на Европа со нова критика до Бугарија – Нема свест за правата на малцинствата
-
Владата, синдикатите и работодавачите седнаа на заедничка маса
-
Познати компании го изигрувале Законот за поврат на ДДВ
-
Стручното образование ќе се крои по теркот на потребите на бизнисот
-
До понеделник ќе се знае дали има лекарски пропусти кај починатата родилка во Куманово и бебето на Детска
-
И Македонија и Србија бараат помош од ЕУ за справување со илегалната миграција
-
Ураганот Милтон ја погоди Флорида - 2 жртви и милиони без струја
-
Минчев: Да не се брза со Закон за правична застапеност, потребно е трајно решение