Горбачов: Светот без нуклеарно оружје е потреба, а не утопија
Светот дојде до многу опасна точка и неопходно е да се запре и да се обнови дијалогот, бидејќи во спротивно тоа би била голема грешка, изјави денеска последниот претседател на СССР Михаил Горбачов.
- Не сакам да давам специјални инструкции, но морам да кажам дека е потребно да се запре. Неопходно е да се почне дијалог. Недостигот на комуникација може да биде најголема грешка, изјави Горбачов.
Тој смета дека е потребно да се појде од главните приоритети - намалување на нуклеарното оружје, борба против тероризмот, но и зачувување на екологијата, додека се друго е во втор план.
- Светот без нуклеарно вооружување не е утопија, туку потреба. Не смееме да заборавиме што стои зад примената на нуклеарно оружје. До тоа може да дојде случајно, како последица на техничка грешка, но и намерно, поради зла намера на некој луд поединец или терорист. А сами знаете какви се последиците, предупреди Горбачов.
- Сите земји мораат да преговараат за нуклеарните капацитети се додека нуклеарното оружје во целост не биде уништено, инсистира последиот советски лидер.
Ново на Сител
-
Силно невреме ја зафати Хрватска | ВИДЕО
-
Скопјани нападнале и ограбиле маж на Камени мост
-
52 годишен скопјанец со пиштол и нож ограбил продавница, при бегање паднал и завршил во болница
-
Кривична пријава за родители од Штип - Ги заклучиле децата во автомобил и отишле во казино
-
Полицаец и германски политичар избодени со нож сред плоштад во Мајнхајм, Германија | ВИДЕО
-
Пад од 1,2 проценти на индустриското производство во април
-
Поскапени поштенските и курирските услуги
-
Хоспитализирани нови четири лица со голема кашлица, вкупно 661 случај во државава