Грабул трет Македонец во второто коло на фјучрсот во Скопје

Димитар Грабул е третиот македонски тенисер кој успеа да се пласира во второто коло на фјучрсот во Скопје (награден фонд 10.000 долари). Тој попладнево го победи Дује Кекез од Хрватска со 6:3 и 7:6 (7:4) за 100 минути игра.Така Грабул по Јотовски и Мицов е третиот македонски тенсиер со пласман во второто коло, а елиминација доживеаја Бесир Дургути вчераод првиот носител и Горазд Србљак денеска од осминиот носител Лени Хампел со 6:2 и 6:2.

Токму Хампел утре ќе биде ривал на Грабул во мечот од 2.коло.

До крајот на денешната прогарма од македонските тенисери настапи ќе имаат во двојки Јотовски со Лазов (Б угарија), како и Мицов со Хампел, додека околу 17:30 часот е почртокот на мечот на Русевски и Магдинчев.