Град Скопје: Ниту едно од предложените имиња сѐ уште не е избрано за член на УО

Една од точките на дневниот ред на следната седница на Советот на Град Скопје е „Предлог- одлуки за именување на членови на управните одбори на јавните претпријатија“: ЈП Комунална хигиена, ЈП Водовод и канализација, ЈП Паркови и зеленило, ЈП Улици и патишта, ЈСП Скопје, ЈП Градски паркинг, ЈП Лајка, ЈП Депонија Дрисла, објаснуваат од Град Скопје.

-Сите предложени имиња се предлог на група советници. Ниту едно од имињата објавени во јавноста сѐ уште не е избрано за член на Управен одбор на било кое од јавните претпријатија. За избор на членовите, Советот треба да расправа на следната седница, а за да бидат избрани новите членови потребно е да биде изгласано од мнозинството од советниците – објаснуваат од Градот.