Граничниот премин Табановце ќе се проширува, времен сообраќаен режим
Царинската управа денеска соопшти дека граничниот премин Табановце во следниот период ќе се реконструира поради што ќе биде воспоставен времен сообраќаен режим и ќе биде поставена посебна сообраќајна сигнализација.
Постојниот царински терминал, како што информира Царината, ќе се проширува, а ќе бидат изградени и други објекти и дополнителни сообраќајни ленти за движење на товарните возила.
За надградбата на граничниот премин ќе бидат инвестирани над 1,8 милиони евра, средства обезбедени преку ИПА програмата и со национално кофинансирање.
Градежните активности се очекува да завршат до крајот на 2017 година, а изведувач на работите е градежната компанија „Страбаг АГ“ од Австрија, додека за надзор е ангажирана фирмата „Кови“ од Белгија.
Царината соопшти дека договорот со компанијата е веќе склучен и изведувачот ќе биде воведен во работата во текот на следната недела, по што ќе започне извршувањето на работите.
- Со надградба на граничниот премин Табановце, Република Македонија ќе добие уште еден современ премин, кој со новата инфраструктура ќе даде можности за забрзан и олеснет прекуграничен промет, согласно потребите на бизнис заедницата и на граѓаните. Реализацијата на овој проект истовремено значи и подобрување на условите за попријатен престој на граничниот премин на патниците и подобри услови за работа на царинските службеници, наведува Царината во соопштението.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“