Грчката опозициска Нова демократија остро го критикува новиот изборен закон

Лидерот на најголемата грчка опозициска партија Нова демократија, Киријакос Мицотакис остро ги критикуваше измените во изборниот закон, што ги усвоија пратениците, истакнувајќи дека со новиот закон ќе биде невозможно да се формира влада и го обвини Кабинетот на Ципрас за „ситни политички потези“ и „политички неморал“.

- Тие се соочуваат со пораз на следните избори и тоа е причината зошто сакаат да ја лишат Нова демократија од власта, рече Мицотакис во синоќешната парламентарна дебата.

Според него, Сириза „си игра игри со институциите“, бидејќи знае дека кога и да се одржат избори ќе биде поразена.

- Тие се обидуваат да задржат пристап до власта, дури и од позиција на (парламентарно) малцинство, истакна Мицотакис.