Грчката претседателка бара итно и целосно расчистување на случајот со прислушувањата
Итно и целосно расчистување на случајот со телефонското следење, бара грчката претседателка Катерина Сакеларопулу која во писмената изјава вели дека „заштитата на приватноста на комуникацијата е основен услов на едно демократско и либерално општество“, јави дописничката на МИА од Атина.
Сакеларопулу додава дека исклучокот предвиден со Уставот поради националната безбедност е поврзан со потребата да се заштити земјата, но потребно е толкувањето и спроведувањето „да биде во согласност со принципите на владеење на правото и пропорционалност.“
– Строгото почитување на законитоста и транспарентноста на државното дејствување не претставува само гаранција за индивидуалните права, туку и најклучниот показател за квалитетот на нашата демократија, вели грчката претседателка и додава дека на тоа се базира довербата во државата.
Таа истакнува дека случајот треба да се расчисти со воздржаност и придржување до парламентарните процедури и посочува дека почитувањето и одбраната на демократијата „ги надминува партиите, личностите и позициите“.
Ново на Сител
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција