Грчката Влада не преговара со кредиторите за нови мерки

Грчката Влада и кредиторите не разговараат за спроведување на нови мерки на штедење од 2018 година, изјави денеска на прес-конференција портпаролот на Владата, Димитрис Цанакопулос.

- Во оваа фаза од преговорите на техничко ниво, потребно е сите страни да бидат внимателни во врска со информациите кои излегуваат во јавноста. Преговорите треба да се одвиваат на „бојното поле“, а не преку протекување информации кои предизвикуваат конфузија кај грчките граѓани, рече тој.

Како што јави дописникот на МИА од Атина, во врска со мерките што треба да се применуваат од 2019 година, Цанакопулос рече дека „нема да имаат фискални импликации“.

- Целта на Владата е да ја извади земјата од програми за спас, додаде Цанакопулос.