Грчкиот Парламент денеска гласа за предлог-законот „Инвестирам во Грција“, синдикатите протестираат
Новиот предлог закон за развој со наслов „Инвестирам во Грција“, за кој грчкиот премиер Кирјакос Мицотакис рече дека содржи многу важни одредби, денеска ќе биде ставен на гласање во Парламентот, а паралелно дел од синдикатите, на протест го изразуваат нивното незадоволство од измените, jави дописничката на МИА од Атина.
-Предлог законот „Инвестирам во Грција“ ја носи инвестициската средина на нашата земја во 21 век и во дигиталната ера. Интегрира добри европски и меѓународни практики, ги отстранува бирократските бариери во инвестициите и го охрабрува целосното вработување, напиша грчкиот премиер на неговиот официјален „Твитер“ профил.
Грчката федерација на вработени во општините (ПОЕ-ОТА) веќе неколку денови протестира и не се согласува со одредбите од законот што се однесуваат на, како што велат, можноста на градоначалниците, без мнозинство да им ги отстапуваат на приватници комуналната служба и службите за електрично осветлување. Според вработените во локалната самоуправа ова би довело до отпуштање на илјадници вработени.
Посебен протест, како и секогаш, ќе одржи синдикатот ПАМЕ на Комунистичката партија на Грција.
Во грчкиот Парламент од рано утрово започна расправата за предлог законот „Инвестирам во Грција“, а доцна вечерва ќе биде гласањето на пратениците.
Ново на Сител
-
Подарок од срце за Светскиот ден на животните: dm донираше 678 килограми храна на три скопски прифатилишта за кучиња
-
Таравари вети вработување на половина од средно медицинскиот персонал што работи со договор на дело
-
Коцевска: Нема потреба од носење на Закон за амнестија, треба поголема примена на условниот отпуст со заштитен надзор
-
Расчистени повеќе диви депонии во општините Сарај, Карпош, Центар, Бутел и Чаир
-
Кликс: Најмалку 10 лица загинаа во поплавите во БиХ, побарана помош од Оружените сили
-
Македонски државјанин уапсен во Косово при обид заедно со други две лица со трактор нелегално да ја премине границата
-
Приведен маж од Тетовско поради приредување игри на среќа без лиценца
-
ИДФ нареди евакуација на 35 области во јужен Либан