Грција оствари примарен буџетски суфицит од 3,5 милијарди евра за седум месеци

Грција оствари примарен буџетски суфицит во висина од 3,5 милијарди евра за првите седум месеци од годинава.

Цитирајќи податоци на Министерството за финансии, „Катимерини“ информира дека буџетскиот суфицит ја надминува првично поставената цел од 2,7 милијарди евра. Вишокот се должи на намалените трошоци, а се уште недостасуваат приходи во буџетот.

Приходите во државниот буџет на Грција во јули изнесувале 5.031 милијарди евра што е помалку за 755 милиони, според поставената цел.

Од јануари до јули буџетските расходи изнесувале 28,8 милијарди евра, што е помалку за 3,2 милијарди, од поставената цел од 32,1 милијарди евра.