Грците ги наполнија парковите и плажите и покрај рестрикциите и карантинот
Несвојствено топлото време за овој период од годината и високите температури, во комбинација со затворени кафулиња и ресторани, веројатно се главните причини голем број Грци неделното претпладне да го искористија за прошетка и да ги наполнат парковите и плажите, иако земјата официјално е во карантин, јави дописничката на МИА од Атина.
Во повеќе атински населби, сликата е речиси идентична, со кафе за носење, со маска и со испратена смс порака за физичка активност, граѓаните излегоа од нивните домови, а особено голема е раздвиженоста во населбите што се во близина на морето.
Во голем дел од кфулињата што се отворени за кафе за носење, има редици, а зголемен е и сообраќајот на улиците.
Температурата во Атина денеска достигна до 21 степен, а на Крит 28 степени целзиусови.
Карантинот во Грција започна на 7 ноември 2020 година, неколку пати се продолжуваше, а според последните одлуки, ќе трае до 18 јануари, доколку не биде повторно продолжен.
За излегување од дома, граѓаните потребно е да имаат испратено смс порака и одбрано една од шесте опции.
Се чини дека Грците, најмногу ја користат опцијата шест, за физичка активност.
Од почетокот на пандемијата во Грција се регистрирани 144.293 случаи на Ковид-19, а починаа вкупно 5.227 лица.
Ново на Сител
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции
-
Михаил Гацов освојува злато за Италија и сонува да се бори за Македонија