Гризман: Реал и Атлетико склучиле пакт?!

Крилниот напаѓач на Атлетико Мадрид Антоан Гризман изјави дека постои пакт со градскиот ривал Реал со кој клубовите не може да земаат меѓусебно играчи.

„Точно е дека сакам да освојувам трофеи, но не можам да преминам во Реал. Не поради ривалството кое постои помеѓу двата клуба, туку и поради пактот кој е склопен“- им соопшти Гризман на шпанските медиуми.

Французинот негираше дека сака да си замине од Висенте Калдерон иако призна дека му се допаѓа ПСЖ. Сепак дециден е дека не сака да игра во Франција туку во Шпанија или Англија.

Гризман стана еден од најдобрите светски играчи откако од Сосиедад се пресели во Атлетико Мадрид.