Груевски најави две нови инвестиции
Свеж капитал и нов инвеститор со нови амбиции, нови планови, нови развојни капацитети и поголем број вработувања во компанијата Бонум, најави денеска претседателот на ВМРО-ДПМНЕ Никола Груевски.
Како што рече Груевски, одговорајќи на новинарки прашања по почетокот на изградбата на гасоводот на делницата Штип-Неготино, инвеститорот ќе даде дополнителен импулс на сегашната компанија и во делот на инвестициите за модернизација и проширување на производството.
Груевски најави уште една нова инвестиција, на холандска компанија во македонска фирма која е во стечај.
- Ме радува што влегува свеж капитал во Република Македонија, во компанијата Бонум. Освен посточеките вработувања, се планира и вработување на над 100 нови лица. Инвеститорот ќе даде дополнителен импулс на сегашната компанија и во делот на инвестициите коишто ќе ги направи и во модернизација на производството и проширување со што ќе го направат производството поквалитетно и помодернизирано. Тоа е одлична вест од секој аспект и кога сме веќе кај земјоделството очекувам во наредните денови или недели уште една инвестиција, истакна Груевски.
Според него, холандската компанија има во план и е во завршна фаза на подготовки да инвестира во една домашна компанија што е во стечај и која се наоѓа во југоисточниот дел од државата.
- Тие ќе вложат околу девет до десет милиони евра и ќе вратат на работа голем број невработени луѓе. Тоа е инвестиција која исто така ќе биде значајна. Ќе значи не само враќање на вработени, туку и модернизација во производството и опремата, подвлече лидерот на ВМРО-ДПМНЕ Никола Груевски.
Ново на Сител
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија
-
Курти со опозицискиот лидер Красниќи разговарал за одржување предвремени избори во Косово
-
Бајден го потпиша законот за забрана за увоз на збогатен ураниум од Русија
-
Состојба на патиштата
-
Телефонски разговор Ципрас-Заев: Ја истакнале важноста на почитувањето на Договорот од Преспа