-->
-->
Хан во Скопје на средби со политичките лидери
-->
Еврокомесарот за преговори за проширување Јоханес Хан, денеска во Скопје, на маргините на Министерскиот состанок за Западен Балкан, ќе се сретне со лидерите на политичките партии што се застапени во македонското Собрание.
Тој треба да има одвоени средби со лидерите на ВМРО-ДПМНЕ Никола Груевски, на СДСМ Зоран Заев, на ДУИ Али Ахмети, на Беса Билал Касами и со Зијадин Села од Алијансата за Албанците.
На средбите се очекува да стане збор за актуелната политичка ситуација во земјата и за разговорите за формирање влада по предвремените парламентарни избори од 11 декември.
Шефот на Делегацијата на ЕУ во Македонија, Самуел Жбогар во вторникот за време на посетата во Прилеп изјави дека Хан ќе има билатерални средби со политичките лидери, како и со други чинители, на кои ќе се информира од прва рака за тоа до каде се работите и на кој начин ЕУ може понатаму да ја поддржи земјата.
Ова е прва посета на еврокосеарот Хан на Македонија по изборите на 11 декември. Во обраќање пред Советот на Европа кон крајот на јануари, Хан изјави дека очекува во земјата брзо да се формира влада поддржана од широко парламентарно мнозинство, која ќе ги спроведе итните реформи и ќе продолжи да отвора европерспективи за земјата, и започнување на преговорите за членство. Покрај итните реформски приоритети, од новата влада се очекува да го реши и прашањето околу разликите за името со Грција.
-->
-->
-->
Ново на Сител
-
„Марш за ангелите“ во Кочани
-
Пациентите од трагедијата во Кочани, во втора и трета фаза ќе се лекуваат во штипска Клиничка
-
Безбедносната состојба во справување со пожари неповолна
-
Мицкоски: Потребен е механизам за спречување блокади на билатерална основа
-
Дисциплинска постапка за двајцата полицајци кои лажно тврделе дека возилото „Порше“ е службено
-
Вол Стрит загуби пет трилиони долари, Трамп вели - „Падот на акциите оди многу добро“
-
ВМРО-ДПМНЕ: Левица во директен договор со извршител и банка купиле конфискуван имот за 3 пати пониска цена
-
Преглед на вестите од светот