Хаос на Куба: Се урна станбена зграда, најмалку три лица загинаа

Најмалку три лица загинаа при делумно уривање на станбена зграда во Хавана, јавија кубанските медиуми.

Делумното уривање на трикатна зграда, што се случи во средата, во стариот кварт на Хавана популарен меѓу туристите, ги уништи становите во кои живееја 13 семејства со вкупно 54 лица, пренесува Ројтерс.

Делот од терасата што се урна затрупа неколку лица внатре во објектот.

Властите во оваа карипска земја признаваат дека ниту се во можност да вршат редовни поправки на дотраените станови, ниту да градат нови, често оставајќи бројни граѓани во опасни станбени услови.