Харадинај бара од Ватикан да го признае Косово
- Косовскиот премиер Рамуш Харадинај престојува во официјална посета на Ватикан, каде што денеска се сретна со државниот секретар Пјетро Паролин.
Како што јави дописникот на МИА од Приштина, по средбата, Харадинај објави дека побарал од Светата столица да го признае Косово како независна држава.
- Косово е во потрага по дипломатско партнерство со Државата Ватикан и за таа цел, признавањето од страна на Светата столица е потребен чекор, напиша Харадинај на својот профил во Фејсбук.
Тој во својата порака ги нагласува верските слободи и евроатлантската ориентација како неприкосновени вредности на Косово.
- Косовската држава е значаен фактор на мирот и стабилноста и промотор на добрососедството. Денешната посета и официјалниот прием кај кардиналот Паролин се доказ за нашата ориентација, во правец на воспоставување стратешко партнерство со Ватикан, напиша Харадинај, додавајќи дека од државниот секретар бил „охрабрен да продолжи по евроатлантскиот пат“.
Кабинетот на Харадинај вчера најави дека за време на престојот во Ватикан, тој ќе биде примен на аудиенција кај поглаварот на Католичката црква, папата Франциско.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски